芬蘭(5)：冰堡壘，破冰船

 坐左幾個鐘巴士，又黎到新地方！冰堡壘所在地－Kemi！

冰堡壘既入口

係芬蘭隨處可見既angry bird

冰餐廳！

冰教堂

冰酒店

冰滑梯

老老竇竇，其實都冇乜好睇，真係睇一次就夠，不過佢條滑梯係幾好玩既，超快！玩完之後先發現佢話只限身高120cm以下，即走！

睇完冇乜好睇既冰堡壘，就差唔多時間去玩破冰船喇！

由於出發前冇幾耐我先係澳洲working holiday返香港，所以行程規劃我係完全冇參與！

我淨係知我地會坐破冰船，但咩係破冰船呢？有乜玩呢？乜都唔知，更加唔知有得落水玩！！！於是好新奇地上船去，佢個碼頭都幾難去，所以我地係由冰堡壘坐的士去，好快就到喇！

上船！

船長好可愛丫！

佢條辮好得意 haha ，佢係負責介紹咩係破冰船同破冰船既作用同原理係乜，根據記憶，破冰船係唔知幾多年前已經出現，原理係船底有d好鋒利既刀片要黎整爛d冰，咁架船就可以過喇！主要作用係要黎開路以進行航海運輸，直至今日，大概係咁啦～唔記得喇 lol

要注意既係！！！架船好多地方都係鋪滿冰！！！周圍都勁滑！我仲唔小心ｐ左ｋ，係成個人向後跌！由於我真係好鐘意食薯片，背嚢入面係一定要有薯片，而我跌低之後真係好擔心佢地會碎晒，所以我訓低果下唔小心大嗌左：我d薯片丫！！！！於是比人笑：你可唔可以起左身先？！

Voila！佢個船頭都幾型！唔係講笑！落船影完相就準備落水玩！！

首先要著住佢依件野！超笨重！著完超難行！

話就話落水玩，其實都只係係度飄下飄下，都幾攰......

見到咁多人係度飄其實都幾攪笑 haha

最後就係由職員咁樣勾返我地上岸，好攰.....不過都幾得意，係值得一試既！但有樣唔好既係，我換衫果陣，見到有個女仔濕晒，我就問佢冇換衫咩？佢話有呀！不過件衫入水........佢凍到成個人震晒，陰功豬

玩完晒，就搭夜車落首都赫爾辛基（Helsinki），訓醒就會到！正！