今日既重點項目就係位於柏林近郊既集中營（Sachsenhausen Concentration Camp）
今次依條路線火車證唔包，所以要買飛～
坐左個幾鐘火車，出到去見到M記，懶得搵路，咪問下人囉～路在口邊嘛～
點解我咁既樣？因為我一入到去
我：唔該我想問....
佢就即刻拎下面張過左膠既地圖出黎話我知點去
我：我都未講你又知既？？
佢：個個黎都係去依度架啦～
真係笑左！！！
其實可以坐車去既，不過行都只係15分鐘，我咁弧寒，一定行！
好快就到左大門口
行埋依條長長既路就到喇
集中營既入口已經有種令人毛骨悚然既感覺，白色三層既建築，係監視管理集中營囚犯既軍官休息處，當時入得依座集中營的人，都冇乜機會返得出黎
門上面既意思係勞動帶來自由，但其實係度既人大部份都因為過勞，疾病，飢餓等等既原因而死亡，當時有10萬名以上猶太人係度過身
依個其實係廚房，不過當時集中營被解放時，大家都大肆破壞，所以好多野都已經面目全非
紀念碑上既１８個紅色三角形，代表住被囚禁係度，黎自18個歐洲國家既囚犯
沖涼房，完全想像唔到可以點沖？？？
馬桶，可以想像到衛生有幾差......
宿舍，一間咁細既房住有超過二千個囚犯，每張床都有３層，但到後來人越黎越多，每張床都訓唔止一個人，真係非人既生活......
圖片顯示出當時士兵點樣虐待囚犯
而且當時d士兵好鐘意比d過大既衫比d囚犯著，之後當佢地小丑咁笑佢地，又或者等佢地跌到既時候就打佢地......
依個係其中一個刑具，只要士兵唔高興，就可以綁d囚犯係上面鞭打，加上惡劣既衛生環境，囚犯好易因為細菌感染而身亡
集中營入面仲有解剖室，屍體焚化爐，毒氣室，槍決室等，但真係行唔晒
依個又係另一個刑具，囚犯既雙手會被反綁係木樁上面，木釘對住後腦....其實真係好變態，要幾冷血既人先做得出？？？
落依條樓梯已經覺得唔對路，一路落一路覺得好有壓迫感，其實入面乜都冇，只係一間好吉既房，但感覺就好差，行多幾步，真係頂唔順，相都冇影就走左，上到去睇返介紹先知原來依間房係曾經用黎儲存屍體.....
好大好大既地方，以前係密質質既牢房，雖然今日已經不復存在，但企係依個地方，空氣好似凝結左，彷彿當時既軍人同囚犯既靈魂依然係度不停重覆當時既活動
長長既圍欄上有好密集既站哨區，囚犯只要想逃走就會即刻被槍斃，所以真係入得黎，都冇咁易返得出去....
沒有留言:
張貼留言