訓醒未有活動，唔放過咁靚既景，繼續影相！！！！！
差唔多日落既時候，就開始玩Husky safari！雪橇拉車！佢地真係好！得！意！呀！！！！！沿途勁興奮，不停跑呀跑呀跑呀～
佢個衰樣惡得黎又好可愛（心心眼）去到某個位，終於都停低喇，而我塊面都已經比ｄ風吹到刺痛喇=="
停低之後工作人員係一邊起火比我地取暖，但我地都係抵受唔住雪橇既引誘，走左去同佢地玩，勁痴人！得意到喊！
依個景真係我一世都會記得，又係好唔真實，每次睇返相都覺得好激動，點解依個世界可以咁靚？
同琴日一樣，食完飯之後就再次出發追蹤北極光！
但同琴日唔同既係，今日個天好寧靜，好多星星，仲有好幾粒流星添！但就係唔見有綠光出現，而且大家都越黎越凍喇，所以荷蘭籍既導遊哥哥都係附近木屋起左火比我地取暖，佢地就留意住有冇極光，有先叫我地出去睇，講講笑笑，導遊哥哥都話似乎今晚冇，雖然大家都覺得好可惜，但冇止境等都唔係辦法，所以我地都打道回府，就係我地回程途中，驚喜出現喇！！！！
導遊哥哥即刻停低比我地慢慢欣賞！相真係表達唔到當時既震撼！前面有一團綠光，導遊指一指側面，我望過去，側面有一道更強既綠光！導遊再指後面，後面有一團大型龍捲風狀既強光！！！真係好壯觀！好難相信係真係出現係眼前，感覺好似只係電腦特技咁，
之後導遊哥哥同我地講：咁強既極光真係好難遇到，我地都好少見，你地真係好好彩！好感恩！！！不過當時實在係太凍，係ｄ極光未消失之前我地就要走嚕，真係好唔捨得，回程一直回頭望 T___________T 其實當時係凍到手指腳指同塊面都已經刺痛，但老老竇竇，見到咁靚既景，再一次凍到癲我都制！！！
沒有留言:
張貼留言