法國(1)：從尼斯到摩納哥

離開意大利，就向法國南部出發！

話咁快咁到左尼斯，今次我地冇搵hostel，而係搵左couch surfing（沙發衡浪）黎當個沙發客！一去到首先係車站搵到個host先！之後佢就帶我地去佢屋企，佢屋企係５樓OMG.....不過佢都好好人地幫我地拎左比較重既行李，我同朋友就輪住拎輕ｄ果個，屋主係一個男人獨居，所以...佢屋企都幾污糟...成地都係塵之餘，廚房全部都係未洗既餐具．但係人地唔駛錢比我地住，冇理由要求多多架...忍一忍啦！休息下，訓醒出去玩！

睇返ｄ相....真係好掛住法國既生活T__________T

首先我地係搭火車去康城！好細既一個城市，但感覺好舒服呢！

又係得意小火車～

有冇人話我知依隻究竟係咩黎？？？？

做下ｄ遊客做既野～haha　之後就向摩納哥蒙地卡羅出發！

　

蒙地卡羅賽車出名就係人都知！依ｄ位全部都係賽車時既觀眾席黎架！

黎到冇理由唔入下個賭場架？！

見到好多人同依架車影相，我地又走去影下先～好似係架好貴既車（？）

蒙地卡羅賭場！

真係好多觀眾席架！

依個地方雖然好細，但感覺好奢華，好靚，都幾值得一遊架！

之後就返尼斯周圍行下～

行市場是常識吧？

尼斯係一個沿海城市，海邊都好靚架！

又係血橙！2.5歐１kg！

意大利(7)：功夫之城－比薩

點解我會話比薩係功夫之城？一陣話你知！依家行埋佛羅倫斯其他地方先！

彼提宮，入面有好幾個博物館同美術館，藝術既野，我識條鐵咩？！所以都係冇入～

都幾多人排隊，我依ｄ混吉既都係唔好阻住人，哈哈！

之後就開始上山，準備睇佛羅倫斯全景！

條路唔係好斜，都幾好行！

一上到去，見到ｄ車絡繹不絕！

原來ｄ車都係一樣款架！

唔同顏色，七彩繽紛，好靚呀！

  

真係好多好得意～有冇人知係咩原因？

   

睇完車就再周圍行下，好多小販檔...

可唔可以叫佢做後花園？

依度咪阿belle同Sam哥打咖輪果度？

依個景我相信大家都唔陌生，但真係好靚

  

又係你？？Hi！

再食雪糕！

哈哈！今次影下佢個背面先！

落返山就去比薩喇！

你睇下～個個都係度打功夫既？！唔係功夫之城係乜？

哈哈，真心覺得個斜塔唔係景點，下面打功夫既人先係！

一場黎到，點都要做下遊客既指定動作既！究竟點解佢會係斜架呢？原來唔係特登架！係因為個塔底有幾層唔同材質既土層，係建造初期已經開始傾斜，不過傾斜唔算太勁，就由得佢，不過都曾經突然傾斜太勁而進行維修架！好欣賞佢地對歷史既保育同尊重，比著係香港，一早就拆Q左喇！

超得意！！！！！！！！！！

再食雪糕！！！

又係ｄ呃遊客既野啦～睇下無妨既～

比錢仲要行咁長樓梯上去，我決定放棄lol

哈哈，佢地好逼呀！

返到佛羅倫斯都已經日落嚕～但又有另一番的美！

臨走前一晚，好人房東比左幾個橙我地，話意大利橙好甜，叫我地試下，講完就出門去～我地梗係即刻搣黎試下！

　我：咦～黑蚊蚊既？係咪壞架？攪錯呀！請人食爛橙！
友人：咪住先！係咪佢地ｄ橙係咁既色架？
　我：下？咁搣多個試下囉～

搣多個之後果然係一樣喎！好啦～咁試下啦！好味呀～～～～～～～～後尾先知原來係血橙！對唔住！係我以小人之心，度君子之腹！係我有眼不識泰山！係我唔岩！

（見到張相你都會以為係爛橙啦下嘛？？？）

第二朝食埋個早餐就結束意大利之行嚕～繼續向法國出發！