點解我會話伯恩係熊之城市?伯恩依個字其實就係熊既意思,相傳當年起依個城既時候,第一隻捕獵到既動物就係熊,所以就以熊黎命名
常識話我地知,伯恩係瑞士既首都,但冷知識卻話你知,瑞士係冇首都架!因為瑞士係一個聯邦法治既國家,所以佢係唔需要首都架!只不過佢地既聯邦政府位於伯恩,伯恩亦因此成為聯邦城市,所以就公認伯恩係瑞士既首都囉~
見hostel有得賣芝士火鍋既湯底(?),黎到瑞士冇理由唔試架嘛!
即刻去超市買餸,超好食!佢都幾重酒味,好香,同意x屋既完全係2回事!食完就休息一下,第2日再出發!
哈哈,琴日食既野,當然留返一半做第二日早餐!食完個豐富既早餐就出發!
第一站:800年歷史既鐘塔!
係伯恩,每行幾步就會見到一個噴泉,點解會有咁多架呢?係因為以前既供水系統冇依家咁完善,所以起好多依d噴泉,方便市民唔駛行咁遠取水囉~據說每座噴泉既水都唔同味架,不過我就冇逐個試喇...
其實每座噴泉都係代表一個故事,有d係聖經故事,有d就係民間故事,不過我就冇咁好耐性逐個研究喇,哈哈
好靚既教堂!
又係噴泉!
城市名係熊既意思,熊亦係伯恩既象徵,所以佢地都有個熊公園,免費入場,隨便參觀!
有份捐錢既人都有名係度架!
與熊共舞既細路
終於見到熊喇!
愛恩斯坦係伯恩都住過一段時間,果段時間佢仲發表過好多影響到依家既理論添,而依家佢間屋都好自然地變成一間博物館~
麥當當!我話過要食既三角朱古力味麥旋風!我唔客氣喇!
好!好!味!!!係我食過最好味既麥旋風!!!!!
聯邦宮!就係瑞士議會所在地!
瑞士既朱古力真係好吸引,擺出黎又靚,入到去已經有種眼花瞭亂既感覺(心心眼),忍唔住買左一小袋黎食,大滿足!!!!
離開伯恩去茵特拉根(Interlaken)既路上,沿途風景真係靚到唔捨得訓!
Haha nice
回覆刪除