捷克(2)：古姆洛夫城堡

離開布拉格之後，就去到一個遠少少既小鎮－古姆洛夫

過埋依條橋，就可以入到去老城中心

古姆洛夫城堡：依座城堡建於1240年，都已經成800幾年！

周圍行下個古城先！一陣先再上山睇城堡！

行上去既途中，發現佢地建築物既外牆都係畫出黎架！你以為佢係磚頭咩？錯喇！係畫出黎架！

行到上城堡，再影返落個古城度，又幾靚喎！

真係忍唔住影完又影！

捷克有佢地自己既貨幣，就係捷克克郎，一直都覺得佢地既硬幣好靚，忍唔住真係要影低佢！本來都留左幾個比自己做留念架，不過最後都係因為為食....駛晒 lol

真係全部都係畫上去架！好靚！

好舊既電話亭

我地住既hostel！

哈哈！勁懶，每次一入房既指定動作都係即刻訓落床，如非必要都唔開喼住.....

小小既廚房～

晚餐加第二日既早餐，本來諗住間hostel都冇乜人住，咪唔寫名囉，點知第二日就唔見左包腸！！！

哈哈！d小朋友好可愛～好似鴨仔～

古姆洛夫係一個好舒服既小鎮，真係好細，但佢係保留左中世紀既原貌，所以真係有少少脫離現實既感覺，而由於佢保留左中世紀既原貌，d地真係好唔平，拉住個喼真係好辛苦，簡直係用多３倍既力去拉，不過都值得既！

小插曲：我地打算搭火車離開古姆洛夫既時候，有個著住反光衣既伯伯黎指住我地，講左一堆我地聽唔明既野，之後指下個火車站，又做個打交叉既動作，再指出馬路，不停重覆〝bulls bulls bulls〞諗左一陣，終於明佢想同我地講既係，冇火車搭，要搭巴士，haha　好攪笑～又好感動，佢明知溝通唔到，但都好努力指引我地去返岩既地方，旅途上最感動既莫過於遇到熱心幫忙既陌生人 :)