瑞士(3)：熊之城市－伯恩

點解我會話伯恩係熊之城市？伯恩依個字其實就係熊既意思，相傳當年起依個城既時候，第一隻捕獵到既動物就係熊，所以就以熊黎命名

常識話我地知，伯恩係瑞士既首都，但冷知識卻話你知，瑞士係冇首都架！因為瑞士係一個聯邦法治既國家，所以佢係唔需要首都架！只不過佢地既聯邦政府位於伯恩，伯恩亦因此成為聯邦城市，所以就公認伯恩係瑞士既首都囉～

見hostel有得賣芝士火鍋既湯底(?)，黎到瑞士冇理由唔試架嘛！

即刻去超市買餸，超好食！佢都幾重酒味，好香，同意ｘ屋既完全係２回事！食完就休息一下，第２日再出發！

哈哈，琴日食既野，當然留返一半做第二日早餐！食完個豐富既早餐就出發！

第一站：800年歷史既鐘塔！

係伯恩，每行幾步就會見到一個噴泉，點解會有咁多架呢？係因為以前既供水系統冇依家咁完善，所以起好多依ｄ噴泉，方便市民唔駛行咁遠取水囉～據說每座噴泉既水都唔同味架，不過我就冇逐個試喇...

其實每座噴泉都係代表一個故事，有ｄ係聖經故事，有ｄ就係民間故事，不過我就冇咁好耐性逐個研究喇，哈哈

好靚既教堂！

又係噴泉！

城市名係熊既意思，熊亦係伯恩既象徵，所以佢地都有個熊公園，免費入場，隨便參觀！

有份捐錢既人都有名係度架！

與熊共舞既細路

終於見到熊喇！

愛恩斯坦係伯恩都住過一段時間，果段時間佢仲發表過好多影響到依家既理論添，而依家佢間屋都好自然地變成一間博物館～

麥當當！我話過要食既三角朱古力味麥旋風！我唔客氣喇！

好！好！味！！！係我食過最好味既麥旋風！！！！！

聯邦宮！就係瑞士議會所在地！

瑞士既朱古力真係好吸引，擺出黎又靚，入到去已經有種眼花瞭亂既感覺（心心眼），忍唔住買左一小袋黎食，大滿足！！！！

離開伯恩去茵特拉根(Interlaken)既路上，沿途風景真係靚到唔捨得訓！