芬蘭(7)：岩石教堂, 西貝流士公園

最後一日係芬蘭，睇埋第三個教堂！

岩石教堂（Temppeliaukion Church），依間教堂係係一舊大岩石入面起，工人將岩石挖開之後仲係教堂頂裝左玻璃，令太陽光可以照入教堂，充滿生氣

西貝流士公園，西貝流士係一名對音樂非常有貢獻既芬蘭音樂家，係佢個公園入面，除了佢個雕像之外，仲有用金屬鑄成既一個個圓管，外貌似笛，都似簧管，象徵西貝流士係管弦樂大師（好似係）

哈哈，係附近見到有依個野玩，但超難推！一個人根本唔會夠力推，香港真係唔會有咁大地方放d咁既遊樂設施.......

落寞既背影，要離開芬蘭喇，有d難過

但我係準備上船去瑞典，不過同行者們都返香港嚕～就此一別！

我搭既係Silja Line，當時咁岩船公司做優惠，而且早買又有早鳥優勢，我用28歐（大既280港紙）就買到船飛嚕～仲有床位添，下晝5點係赫爾辛基開航，第二朝9點幾就到瑞典喇！交通連住宿先280港紙，真係抵到喊！

不過要留意既係，原來佢個碼頭都幾遠，當時我地冇留意，以為好近，行行下發現唔對路，即係怒奔！！！好彩都趕得切，所以要去既話記得要預多少少時間

上左船之後，望返轉頭，一眼望晒2個大教堂，好靚

仲望到星形既芬蘭堡添！

越行越遠就乜都睇唔到嚕～得個咸蛋黃，瑞典，聽日見～