意大利(6)：浪漫之都－佛羅倫斯

黎到佛羅倫斯，落左火車之後好快就好順利地去到hostel，一去到諗住check in啦～負責人係個伯伯，佢一見到我地就不停趕我地走

佢：冇位呀冇位呀！滿左滿左！！！！！
我：我book左架喎！！有確認電郵架！！！
佢：冇可能冇可能！滿左滿左！！！！！
我：下？我比左訂金架喎！！！

之後佢打左個電話，仲將個電話遞比我指住個電話，話英文！！電話入面個人終於可以用英文溝通

佢：老闆唔識英文架，請問你發生咩事？
我：我上網訂左你地２個床位，都比左１１歐訂金，但我黎到佢又同我講冇位，咁我依家應該點做？？
佢：好！我明白喇，咁你比返個電話佢聽丫唔該～

個老闆好勞氣地傾完個電話之後，我心諗，點都有２個位比我地掛？？？點知佢同我講：冇呀冇呀，之後比左３歐我佢就走左.......

見天未黑，就同朋友打算出去再搵第二間住囉～我又唔信搵唔到呀！點知周圍問，真係間間都full晒，再問先知原來係意大利國慶，幾日連假，周圍都爆晒，我都有定心理準備訓火車站架喇，返到火車站，諗住睇下有冇遊客，可唔可以跟佢地睇下有冇吉床位，發現有幾個亞洲人，就走去問下佢地係住邊，點知佢地原來係係度讀書既中國留學生，佢地亦知道邊度有得住，有好房東，仲即刻帶我地去，佢地帶我地去搵既都係中國房東，勁好人呀！夜晚仲帶我地食好野添！又一次食屎食著豆！

攪完一大輪，食完飯都已經好夜喇～訓醒先再好好欣賞依個城市！

訓醒首先去個Morning Market食個早餐先！

傳聞中超好食牛肉包！老字號黎架！

食落感覺....嗯...我應該唔會食第２次....

佢地ｄ菜檔都擺得好靚～

行完室內既market，又行下市集～感覺好似女人街lol

少不了既當然係教堂！

聖母百花大教堂，係佛羅倫斯既主教堂，建於1296年！

入面都好宏偉！

　haha！又係依ｄ奇怪形狀既車～

共和廣場，不過有一部分裝修緊...

黎到意大利唔係唔食雪糕下嘛？

不停流口水既豬（其實係泉水），傳說話只要摸下佢個鼻，之後將一個硬幣放入佢個口入面，如果硬幣跟住佢ｄ口水流入泉眼，你就會重回佛羅倫斯喇！如果唔入呢？咁咪放多幾個囉～總有個入掛！不過果日太多人排隊摸佢，我就冇摸嚕～

舊宮！好多著名既藝術品都係度展出架！

好難影呀！

有珀耳修斯（希臘神話中宙斯個仔）

亦都有係人都識既大衛像....等等等...

老橋，有睇過衝上雲霄既都應該對依條橋唔陌生！

食埋晚飯就返歸嚕～