德國(5)：富森－廸士尼真實版

今次重點係新舊天鵝堡！好多人會係慕尼黑join一日遊上去，不過我地選擇左係天鵝堡附近既一個小鎮－富森留宿一晚，之後就上山去城堡！

忍唔住又要食豬手！仲有薯仔！d酸菜都好好食！！！諗起都想食.....食飽就開始行下依個小鎮～

好色彩既屋，好童話呀！

好鐘意依ｄ鐘，覺得好靚，但唔知點拎返黎～所以欣賞下算喇！

第二朝訓醒就搭巴士上山，hostel職員提議我地可以搭巴士上山，行落山，因為風景好靚，所以就聽佢講！好快，10分鐘左右就到左！

離遠見到已經覺得好夢幻，好靚！

有馬車呀！

買飛，記得都唔平，都成２０歐，不過真係值得去！

又近左ｄ喇！

根據佢既路線，我地首先去左舊天鵝堡先！

所有建築都好靚！係咪真係以前ｄ人起架？？？？成個樂園咁！

門票上既景係夏天既景，好綠，我冬天黎，白茫茫，但都好靚（心心眼）

最衰入面唔比影相，其實入面都好靚，真係好似卡通片入面既城堡咁，好色彩繽紛，ｄ畫仲要係直接畫上牆，好靚好靚.............

當年既廚房都模仿返出黎！

靚到不停影！！！

睇完舊天鵝堡就出發上山睇新天鵝堡！

路上都忍唔住望返轉頭再影！

真係好童話！

連湖邊景都咁夢幻！

又見到佢喇！真係好靚！

如果唔想自己行上山，都可以坐馬車，６歐一個人，不過我地都打算慢慢行～沿途都見到好多馬車，睇相好似好正係咪？其實真係好臭！同通街都係馬屎.......

嘩！上到黎喇！

入埋去睇先～

其實舊天鵝堡係國王住既，王子自己又想有屬於自己既城堡喎，於是又自己起一個新天鵝堡，不過可惜未起完佢就死左嚕～

好熟口面係咪？梗係啦！因為廸士尼既睡公主個城堡都係跟佢構思架！而多個廸士尼樂園入面既城堡都係跟佢起！入面都真係好靚，但都係唔比影相既 ...我諗如果有機會，我會再黎！

睇完之後就行返落山，真係好靚，好似仙景咁....

哈哈，架車好古怪...忍唔住要影低佢！

hostel請每位住客一杯welcome drink，係吧枱等緊果陣見佢貼住唔同既錢係度，忍唔住要送張港幣比佢！簽返個名先！