黎到捷克布拉格，發現物價都好平，於是唔煮嚕～第一晚就出街食！
食野之前，係度既第一個開心大發現係－捷克人係唔識數數字架
＝＝”
叫左２個餐，黎到從前波希米亞王國既首都，梗係要試下佢地既傳統野！左邊果個係波希米亞傳統餐，我食完都唔知咩黎～不過都幾好食既，黃色果２舊幾好咬口，但唔知咩黎，右邊果個就係比較正常既吉列豬扒～都唔錯架！
食完飯返去休息下，訓醒第２朝就出去玩！
因為我地有火車證，所以book左距離市中心一個火車站既hostel，要搭返火車出市中心，一去到月台，真係忍唔住要影低佢，溶溶爛爛既月台，唔係有火車經過，真係以為佢唔係運作中＝＝”
去到市中心，火車站都依然係溶溶爛爛既！
係hostel，一個意大利女生同我講係捷克一定要試"turtle neck"，我問：下？有樣野食叫烏龜頸?點解既？佢答：唔知呀，因為佢個樣似烏龜既頸掛～
行行下就見到喇！
其實依個烏龜頸係布拉格通街都係，用麵粉糰卷住條鐵去焗，之後再沾上勁多有核桃味既糖，承惠50克朗，約15蚊港紙，好好食！
但佢個樣似烏龜頸咩？一ｄ都唔似囉！於是上網check下，原來係"Trdelník"，唔係"turtle neck"！
哈哈！依個野好攪笑！
布拉格經歷過唔少既歷史大事，好多建築物都係黑蚊蚊
好熱鬧既布拉格廣場！
哈哈，好為食！依盤野其實我都唔知咩黎，係溝通唔到既情況下，乜都問唔到，淨係知有薯仔同腸仔，依兜野大概３０幾蚊港紙，好味！
市中心既馬車，好有feel～
歐洲隨處可見既街頭藝人
天文鐘－依個鐘已經有６００幾年既歷史，每次既整點報時，鐘上面既公仔都會郁，每個鐘都吸引好多人黎睇，係布拉格廣場既人都會聚晒係個鐘前面架！
睇完個鐘就離開布拉格廣場，向皇宮方向走～
行行下見到間木偶店，creepy........
門口個公仔都幾恐怖.....
睇得電視多，總係覺得佢地係有生命...
有成隊球隊添丫！
歐洲街頭總係好多好特別既車～
過左依棟舊城橋塔，就係查理大橋！
我在橋上看風景～
依條橋始建於1357年，幾過無數次既摧毀同重建，變成今日重要既旅遊景點！大家都話依條橋有好多小偷，其實歐洲好多地方都好多小偷架啦～最緊要自己要小心財物！
橋上有唔少既雕塑，依個係其中之一～
巴黎鎖橋就係人都識，但其實歐洲真係周街都有人鎖佢地既愛情鎖，因為佢地相信，鎖住左既愛情就唔會再分開（真係咁易咩.....）
過左查理大橋，向山上行就會去到布拉格城堡，即係以前既皇宮同今日總統既辦公室！亦係世界最大既古城堡！
布拉格被稱為千塔之城，行上山時都忍唔住，不斷停低影相，但只怪小妹攝影技巧有限，點影都影唔出佢既壯觀
城堡既入口，好多遊客，都有２個士兵係度守住架～
又黎同士兵自拍！
咁岩又見到士兵換更～
一抬頭就見到聖維特主教堂既塔尖！依座歌德式教堂係捷克最重要既教堂，仲放左好多波希米亞國王既墳墓！佢既歷史可以追溯到公元９世紀，前前後後起左差唔多600年架！
教堂前圓形既玫瑰窗係依座教堂既特色之一
鋸齒形既拱頂比人一種壯嚴既感覺
仲有彩色玻璃窗訴說著一個又一個既聖經故事
每一次走進依種歷史性既教堂，都不禁驚嘆，以當時既技術，到底係點樣起到咁大型既建築？
大到都唔知點影....
哈哈！比人摸到變金色！歐洲人相信只要摸過雕像既某部份，你就會得到果個部份既祝福，er....依個部份就....我唔需要喇.....
見到個玩具博物館，好似幾得意喎～就入去睇睇～
入面唔係好大，但ｄ野都幾得意呀～
落山既時候忍唔住又影下布拉格既景
哈哈！夾硬同士兵合照
皇宮後花園，好舒服
行行下見到班好似醉醉地既人，著住蘇格蘭裙，唱住歌跳住舞～突然仲背住我舉起patpat，揭起條裙....好驚＝＝”醉酒佬惹唔過，即閃！
連儂牆－約翰連儂個連儂！最起初，佢只係一面普通不過既牆，係８０年代，捷克人開始係依面牆上畫上約翰連儂既肖像同披頭四既歌詞，後來，依面牆變成捷克青年發洩向共產主義不滿既地方，最後仲演變成警察同學生既衝突，參與行動既都係一班受過教育既學生同和平人仕，但當局就形容佢地為精神病患者，反社會人仕，同外國勢力既間諜....嗯....大概共產國家都一樣吧？歷史總係不停地重演，但今日，連儂牆已經成為表達青年理想，比如愛與和平既象徵，咁香港果面連儂牆呢？
回程既時候唔係整點時間，冇乜人，終於可以同個天文鐘合照！
之後去新城區行下～
哈哈！唔明點解ｄ舖頭玻璃窗可以爛到咁......
有印第安人！！
有國家歌劇院～
有國家博物館！
有音樂表演
仲有電車！
跳舞的房子，又稱酒醉的房子，無啦啦有棟咁既野係度，總係覺得有ｄ格格不入....可能係我唔識欣賞啦！
佢地既KFC汽水係任斟架！食個下午茶先～
係歐洲去廁所要比錢是常識吧？
去到猶太區，依度係老猶太公墓，點解會咁緊密？原來根據猶太人既傳統，佢地既墓地係唔可以破壞既，導致依度有成１２層既墓地，冇人知依度係由幾時開始建立，有人話已經超過一千年，亦冇人知依度究竟埋葬左幾多猶太人，有人話超過十萬人，唯有等歷史學家慢慢研究喇～
冇乜特別既郵筒
天晴既布拉格廣場～
哈哈，見到以前係公園成日玩既遊樂設施，朋友忍唔住即刻爬左上去～童年回憶呀！
