依日我地參加左個一日團，所以一大清早就起身出發！！
第一站係睇花睇蝴蝶～都幾悶.....
不過ｄ蝴蝶係幾靚既～
終於行完，可以開始我地一日既刺激之旅！！！
我地都係以依架篤篤車代步架喇～
第一項活動就係高卡車！！！不過其實唔係依架～哈哈，依架要黎影相架咋～
依架先係我地揸既高卡車～出發！！
去到河邊見到對面既大象村落，大家都忍唔住要停低影相～
揸高卡車上到山之後，就係時候要裝備好！！由山上飛返落黎！
依隻貓貓好痴人，佢只有一隻眼，工作人員話發現佢既時候，佢成身都受傷，於是帶佢返黎照顧佢，可能因為咁佢一直都好痴人，真係好可愛（心心眼）
玩完貓，就係時候去飛喇！
開頭踏出去果下都幾驚，但飛左出去之後就覺得好好玩喇！！
飛到落去之後，首先要祭五臟廟，但要過對面河食午餐
過對面河既工具就係依個牢籠，哈哈～都幾有趣
我開頭仲以為午餐只係好簡單既三文治，估唔到有用香蕉葉包住既炒貴刁，仲有新鮮菠蘿，真係好驚喜！！
食完午餐就玩水喇！！可惜冇得影相，只得一張官方相，唯有用文字紀錄啦，首先我地上左依隻艇仔玩激流，老實說，激流唔算好激，不過途中竟然見到隻象ｂｂ係河中玩水，團友問船家係咪佢地訓練ｄ象係度表演，佢地話，唔係呀～依隻係ｂｂ，佢只係自己係度玩水，太可愛喇！！！！！
玩完激流就上左架竹划，開頭覺得有ｄ悶，但唔知點解，唔知個船家用咩技術，突然個竹划成架向下沈，嚇到我地個個大叫，船家就哈哈大笑，到ｄ水浸到我地心口，佢終於放過我地，因為已經差唔多到終點了
上左岸都開始收拾細軟打道回府，上山下海玩左一日其實都好攰，回程既時候仲比我地見到彩虹，感覺依一日真係好完美～
沒有留言:
張貼留言