某日突然旅行癮發作，就買左機票黎個清邁hea遊之旅～
雖然唔太早機...但都係睡眼惺忪....
黎到就check in先！
環境都唔錯！
雖然間房唔大，不過都係要黎訓覺姐～所以我地都覺得好OK～
放低野就出去搵食！
好肚餓，求其入左間餐廳，再一次見證...係泰國...餐廳都係又貴又唔好食！所以都係決定下次食返街邊野算＝＝＂
第一日都係周圍hea下行下，由於我地冇乜點plan，就走去搵左d local tour黎join，睇左好幾間，有幾樣野都想玩，咁岩有一間可以一日玩晒我地想玩既野，就決定左！（下篇再詳細講～）
之後又周圍行行行，食食食～
依餐好食好多！！！食飽諗住早ｄ返去休息～因為聽日一早就開始要體力勞動！
點知行行下前面突然放煙花呀！！！好驚喜好開心！！！
個個都即刻舉高相機，hahahaha，之後問返，原來係國皇生日！唔怪得之啦～睇完煙花就返去休息，準備明天大作戰！
沒有留言:
張貼留言