訓醒就去埋未去既景點～
買個包做早餐先～
地鐵站入面都有告示叫人小心小偷，見到都覺得有d驚....
當我在蒙馬特 看遍滿街的馬戲～去到蒙馬特，成個腦都係依首歌=="
聖心堂－望上去已經覺得好莊嚴好有氣派
係上面望返落黎，巴黎市一覽無遺～
靚靚觀光小火車～
我承認，對教堂已經有種審美疲勞既感覺，原諒我無乜相......
巴黎歌劇院－歌劇魅影既故事背景就係依度喇！
巴黎鐵塔！好多人覺得佢好浪漫（雖然我唔覺），但據說當年法國人曾經想拆左佢，好彩冇拆，佢每年為法國帶黎唔少收入！
佢總共分３層，頭２層都可以行樓梯上，最高果層就要搭升降機上去喇～
我地年輕人黎架嘛！千幾級樓梯，難我唔到既！
上到第一層，喘氣既時候都不忘影下相
去到第二層喇！
戰神公園變得更細粒！
遠眺凱旋門
指定動作？
鎖橋，都係果句啦，其實歐洲真係周圍都係=="
夜晚路過聖母院，開左燈又幾靚喎～
巴黎比我既感覺就係景點，景點同景點...可能自己係大城市長大既關係，唔太喜歡依類型既城市，反而比較喜歡靜靜地既小鎮，不過巴黎都係一個好靚好有魅力既地方，我相信我會再黎既！
後記：終於寫完接近３個月既歐洲之旅，感覺好似重新去一次每個地方，真係百般滋味在心頭呀！
沒有留言:
張貼留言