休息左一晚之後，訓醒又問下hostel既職員有冇咩地方特別推介，佢就叫我地去坐纜車，話果度可以望到成個巴塞隆納，一於上去睇睇！
就係依架纜車喇！
一路上去都已經覺得好靚，加埋藍到離晒譜既天空，真係即刻開朗晒～
上到去，就見到蒙特惠克古堡（Castell de Montjuic），依度曾經係軍事要塞，又曾經係監獄，依家？當然係博物館啦！
周邊風景都唔錯架！
依度望到聖家大教堂架！
行左一圈就落山嚕～慢慢行落去，慳錢之餘又可以睇下風景！
好多花！有人係度影相添！
我地都唔執書！
唔知佢地係度做咩呢？係咪跳緊求雨舞？
落返地面就去下其他地方嚕～
其實本來係想去巴塞個球場睇下既，但唔知點解黎左依度～是但啦～係咁咦影返幾張相啦～
行左個圈就去高迪既另一個作品－奎爾公園
上去既途中發現好多有名既植物！！！
依舊唔知咩黎，不過見個個都走上去，一於上去睇下！
嗯...都係望下個市咁啦～
真係去到邊都望到依個聖家堂！
行行下就到奎爾公園喇！
連個天花板都特別過人～
依隻蜥蝪大家都應該唔陌生喇～
超多人！勁難攝位入去影相！
依ｄ屋仔都好靚，據說原本係公園門口既管理室？
落返山既時候都見到好多好意得既舖頭～
滿足你３個願望既雪糕？
咁就完左巴塞隆納之旅嚕～下一站！回到法國！
沒有留言:
張貼留言