訓醒就坐火車去法國第二大城市－馬賽！點解我話佢係罪惡之都呢？每當有人聽到我去馬賽時，個個都提醒我要小心d，話好多人偷野呀之類咁，睇書又話以前係罪惡既溫床咁，一於去睇下係咪真係先！
一出火車站，見到藍天白雲，心情豁然開朗！
haha歐洲d建築就係咁，成日裝修，但裝修既時候都會比你睇佢原本係點，好得意～
馬賽擁有法國，甚至地中海最大既商業港口，當然要去佢個碼頭睇睇啦！
有原始民族既音樂表演
仲有得賣d原始音樂既樂器，對民族物品完全零抵抗力既我即刻揀返幾件先！
漫無目的周圍行行逛逛，好快又一日嚕～
依條樓梯上面就係馬賽火車站！
好大既火車站，都好靚！
感覺都唔太差，可能始終係一個比較大既車站啦！行左半日馬賽，雖然唔覺得人民特別nice，但都唔覺得好危險呀，不過基本既危險意識當然要有啦！（我自己覺得羅馬仲危險）
搭火車返亞維儂嚕～
返到去，忍唔住又要玩下依隻痴人既貓！
依隻衰野，夜晚跑黎跑去，又搶我枕頭！（整醒我之後，我坐左起身，佢就霸左我枕頭＝＝’）攪到我幾晚冇覺好訓！
哈哈，佢個背影好抑鬱！
佢就係招待我地３晚既屋主喇！佢話好鐘意食亞洲食物，於是我地去左超市買餸，煮左幾味，煲埋飯請佢食！大家都食得好滋味呢！
欣賞多一次佢露台既日落，本來都諗住訓，準備聽日離開，點知佢黎左好幾個朋友開大麻party -0- 我地都一齊傾下計咁，佢其中一個朋友識日文，所以都識d漢字，講講下，佢地就問我地，佢地個名既中文係點寫（成日被問既問題），其中一個叫Samuel
S：Samuel，M：Max（屋主），O：Others
S：咁我個名點寫呀？
（依個時候Max係耳邊細細聲講：你寫佢係gay呀！）
我：會唔會唔係幾好呀？
M：唔會架！你照寫得架喇！
於是我就寫左”同性戀撒母耳”
O ：嘩嘩嘩！！！點寫呀？太難喇太難喇！！（又指住個戀字）特別係依個字，冇可能寫到架！冇可能冇可能！
於是Samuel唔忿氣，佢要証明自己係寫到既！所以就跟住我既字又寫一次”同性戀撒母耳”
丫！佢又寫得唔錯喎！佢好滿意既時候，我同友人同屋主已經笑到講唔到野，仲叫佢如果要紋身記得紋依幾個字 -0-
衰貓偷人水飲！
又扮可憐！
依張紅色既梳化就係我依幾晚既床喇！
白綠間果張就係朋友既床！執好野，屋主仲係熟睡中我地就走嚕～今次依間屋好正呀！貓貓又得意，仲有隻狗冇影到，但成日夢遊，好攪笑，唯一唔好就係要行5層樓梯＝＝”每次行完都攰死左....而亞維儂，真係一個好靚既城市，感覺好舒服，好鐘意！
沒有留言:
張貼留言