丹麥(2)：亂逛哥本哈根

今日終於冇咁大雪！太好喇！又繼續周圍行～

依隻係北歐既精靈，我仲以為d精靈都應該係好靚好可愛架添....點解依隻咁醜樣架.....

冬天既歐洲，大部份既樂園都唔會開，Legoland都唔例外，去唔到Legoland，唯有去佢間舖朝聖啦～

士兵好可愛～

好大舊Lego!!! 不過可惜張相背左光，又好多人排隊影，咁就算啦～唯有放棄....

其實我都唔知依個咩黎，不過見佢幾靚，咁就影下啦～

新港（Nyhavn）！建造於十七世紀，兩排既屋都好靚，不過其實一眼睇晒～

行行下醒起要寄postcard，就去搵郵局～

入到去發現佢仲係一間小小既博物館！唔錯唔錯～

做下遊客要做既事 lol

寄完就走嚕～繼續周圍行

見到依棟野幾靚～又可以入，就入去睇下囉～

原來係一棟好靚既教堂！

可以繼續轉上去～

期間望下出面

又幾靚喎！

上到去仲可以望哥本哈根全景添！

其實應該係幾靚既，但天氣太唔好喇，灰濛濛咁，藍天既時候睇應該會靚好多！

離開之後就去到哥本哈根市政廰，依棟已經係市內差唔多最高既建築物，好有氣派！（中間堆雀仔好靚）

趣伏里公園（Tivoli），1843年8月開到依家，係世上現存第二古老既主題樂園，望落去都係殘殘舊舊，好有鬼片feel.....不過都係果句啦～冬天唔開呀！好彩佢唔開咋，唔係入到去都唔知玩唔玩好.......

行行下就到車站喇！由於今次我同朋友都買左２個月既Euro pass，所以我地係幾乎全個旅程都係搭火車架！好！向德國出發！

依個咩黎？？？咁呢～德國同丹麥就隔住個海既～原來佢地係冇海底隧道架！咁架火車呢～就會成架上船，上一架大郵輪，上左船之後，成架火車會cut電，所以所有乘客都一定要落車上船（好似怪怪地，明明已經係船度），到德國佢就會開咪宣佈到左喇～你地返上車喇～問題黎喇！！！佢係唔會講英文.....我都唔知佢講丹麥話定德文喇～總之就聽唔明啦！於是我地搵返d同一架火車既人見佢地走就跟佢地走，總算上返火車，如果唔係都唔知會去左邊.....

返上火車嚕～感覺都幾得意～不過咩都聽唔明...感覺都幾淆底，好彩遇到好多識英文既人～感恩！

哥本哈根其實係一個充滿色彩既城市，建築物都係五顏六色，周圍都好多Lego既野，雖然冇入到任何主題樂園，但係市內周圍走都好感受到童話既氣息～唔知關唔關安徒生事呢

丹麥(1)：大風雪下的哥本哈根

離開瑞典之後，就去丹麥既哥本哈根會合朋友，係瑞典準備搭火車果陣有個小插曲：

係瑞典冇換太多瑞典幣，因為我只係留一晚，但去到火車站既時候，發現唔夠錢買火車飛去丹麥，又唔收歐羅！！但佢收信用卡，於是我拎我d卡出黎諗住買飛啦，唔知點解香港果d卡用唔到（其實我相信係我問題），之後我見到我係澳洲working holiday果陣用既卡，但入面冇錢架喎（果張卡入面冇錢應該係用唔到）是但啦～試左先算，又得喎！咁就走嚕～好彩趕得切班火車！　（之後澳洲銀行不停寄信黎要我還錢 lol）

仲有記住就係買飛既時候記住係K度搵哥本哈根，因為佢地係串Kopenhagen，而唔係串Copenhagen！

今次住連鎖式既hostel－Gernerator，都幾好住，乾淨，靚～

醫肚先！未熟路，去返熟悉既M記先～估唔到都內有乾坤喎！入面都有個小小既遊樂區，唔知關唔關Legoland事架呢？

  

歐洲真係通街都係賣藝既人，其實係咪真係好好搵架呢？

周圍行行行～

好鐘意d咁靚既郵筒～

正宗丹麥麵包！

天氣好差呀，一直落雪..........

冰封左既吉菲昂噴泉（Gefion fountain），佢原本係哥本哈根最大既噴泉，由北歐女神同佢既４隻牛組成，亦係一座許願井，不過冬天唔開～

ｄ雪都有少少厚

龜裂既湖

行行下就見到美人魚喇！原來佢都幾細，同幾遠........

實在係太凍同太大雪，所以入左個室內取下暖～原來係一個講軍事既博物館

納粹軍服

睇黎場雪都冇咁易停，所以取夠暖就返出去繼續周圍行～

行行下又去到皇宮既區域，仲係好大雪.......

有皇族既相睇～d人都幾靚咁喎！

其實依度叫阿馬林堡宮（Amalienborg），佢起果陣係起比貴族，但之後比皇室買左，所以算係皇宮掛我諗～哈～

行左個圈，諗住走果陣佢突然封路唔比人行喎！又鬼死咁大雪，心諗，攪乜呀！比我走啦！

之後見到有一隊人行出黎！

望真d，原來係士兵呀！

好整齊呀！！！又幾好睇喎！好彩佢封路唔比我走咋！

同士兵自拍～

真係好大雪...............

唔知點解有架消防車係度呢～

哈哈～佢地間屋好似支筆，好得意～

佢地走左就解封嚕～行過少少就會見腓特列教堂（Frederiks Kirke），又稱大理石教堂（Marmorkirken），不過冇入去睇丫，真係太大雪，拿拿臨衝返hostel避左依場風雪，聽日再行過！