一講到巴塞隆納，好多人都會即刻諗起偉大建築家－高迪！點解佢既設計咁特別？根據佢自細對大自然既觀察，發現大自然係不存在純粹既直線，而佢亦努力地追求自然美，所以佢既作品都係以充滿生命力既曲線為主，大部份都被列入世界遺產架！
第一站就係巴特略之家（Casa Batllo），都唔少人入去參觀架！入場費都唔平！我依ｄ對建築同藝術都識條ｘ既人，都係影下個外牆算喇～
成20歐一個人，每棟建築都入既話真係唔得掂！
之後就係米拉之家！
都係一間奇形怪狀既屋！
之後再周圍行下～
依個真係不得不分享，係外國有好多地方，醬汁都係要另外比錢既，一包茄汁有時都會要0.2~1歐不等，而身為茄汁怪既我話明窮遊，我個背包入面永遠都會有支超市買既茄汁係度，一支茄汁都係1~2歐左右，可以食成個月，真係慳唔少架！
當時入到依間熱狗店見到咁多醬，仲要唔駛另外加錢！真係難掩我興奮之情，仲要比友人影低我個為食樣，但依排醬汁實在太正，忍唔住要同大家分享！
食飽飽就向聖家大教堂出發！世界最大教堂！高迪嘔心瀝血之作！
好多人排隊買飛！都排左一陣先入到去！
1882年開始起，起到依家都未起好...真係好浩大既工程！
排緊隊又見到得意車！
終於去到門口！
嘩！真係好壯觀！
好靚既彩繪玻璃！
真係唔知點雕出黎！傳統式既雕塑風格，據說仲係高迪親自設計同完成！代表既係一個又一個既聖經故事
太多人＝＝”點影都係避唔開人群...
地下係工作室，高迪仲曾經係度住過架！
預計2020~2030就會完成喇！到時一定要再黎睇！
睇完聖家堂，見時間仲早，就去行下街市先～
聖荷西市場！沿住蘭布拉大道就會搵到架喇！依個市場1217年就開始運作，當然就冇依家咁具規模啦～時至今日，已經發展得好成熟，咩都有得賣，雖然佢一個觀光點，但d野都唔算太貴呀～
好色彩繽紛！
回程時，又經過巴特略之家，忍唔住又影２張相先～
小插曲：我地係巴塞隆納既時候，打算買可以用十次既地鐵票，我地係用售票機買既，買完打算入閘既時候，張飛用極都用唔到，於是我地搵職員幫手
職員：你地張飛用左架喇喎！
我地：下？冇理由架喎！我地岩岩買架咋喎！
（佢再仔細睇一次）
職員：唔好意思呀～你地張飛真係用過架，買過張啦！
我地：下？點會咁架？唔通你地部機會出用過既飛咩？
職員：應該係你地買之前已經有人擺左張用過既飛係度，你地買完之後，拎左張用過既飛就走左，之後有人再拎左你地買既果張新既飛
我地：下？咁都得？咁我地可以點呀？
職員：冇得點架喇～你張飛又真係用過既，你只可以買過張，我都幫你唔到
真係好無奈....=___________________________=""
沒有留言:
張貼留言