離開西班牙之後，就向法國里昂出發！
係里昂我地都係做沙發客架！屋主叫JB，JB係火車站接左我地之後就帶我地去佢屋企，不過坐左半日火車，我地都攰喇，所以都決定唔出去，JB仲親自下廚招呼我地晚餐添，雖然只係好普遍既茄汁意粉，但已經覺得好窩心～休息一晚，第二日先出去行！
咁岩依日係法國假期，所以JB就決定做導遊，帶我地一遊里昂！
佢首先就帶我地上山頂睇下里昂全景，點解係歐洲去到邊都要睇個市既全景？？雖然真係有D審美疲勞，不過都係舒服既！
富維耶聖母聖殿！里昂最高點！
行左個圈就慢慢行返落山～
為食鬼見到法國必食既CREPE又忍唔住！
又到講故時間！好多遊客對於里昂既印象就只係燈光節，但係JB話比我地知除左燈光節之外，佢地最自豪既就係佢地既秘密通道！據說係19世紀既絲綢紡織工人起架，以便係惡劣天氣之下運送絲綢，成個里昂總共有300幾條依D通道，可以通到去200幾條街～不過要搵到正確既門先入到架，我地梗係唔知邊度門打邊度門啦，好彩JB係度咋，唔係天光都未搵得返條路返屋企～哈哈！
歐洲總係有種令人彷如置身19世紀既感覺！
出左去又唔知去左邊喇 lol
好彩有人帶路＝＝”行行下又去到沃土廣場！
市政廳
中國銀行？！
之後又行下河邊～
原來佢係要帶我地黎影依個地標！佢仲介紹話only同Lyon既4個字母係一樣架！（我都覺得好無聊.....）
行左半日就返去執野走嚕，走之前！影下佢間屋先！真係唔錯架！
里昂既秘道真係幾特別，會去既朋友唔好錯過呀！
沒有留言:
張貼留言