羅馬－因為歷史悠久而被稱為永恆之城
基本上係羅馬坐佢地既metro都已經去到晒著名既景點
行得多口渴？唔怕！周圍都有得斟水！
聖天使城堡－依座城堡曾經係監獄，亦曾經係宮殿，依家？當然係博物館啦！咁好機會唔通唔賺你錢咩？
好多人......
唔知佢係咪全世界最矮既紅綠燈呢？
見有d肚餓，又攰攰地，求其入左一間野度食，又幾好味喎！
萬神殿！不過唔比入...好可惜呀！
特萊維噴泉－又稱為許願池，傳說話掉一個硬幣就會再返羅馬，掉２個就會遇到新既愛情，掉３個就會結婚或者離婚，我就掉左１個喇～我會再返黎架！同埋據說每日都有大概3000歐元既硬幣掉入依個噴泉，真係好搵過你同我＝＝”不過佢地會拎ｄ錢去津貼一間做窮人生意既超級市場既，都唔錯呀～
真係周圍都好多人！！！
小插曲：記得係許願池離開既時候，有個吉卜賽女人拎住隻好靚既鸚鵡係咁叫我地影相，果陣勁多人，感覺好雜亂，好想快ｄ離開，我地都不停耍手擰頭，點知佢將隻鸚鵡放係友人既膊頭上面，但我地都不為所動，繼續走，佢都只好放棄，拎返走隻鸚鵡，但感覺都幾恐怖 ＝＝”
西班牙廣場上既西班牙階梯，全歐洲最長最寬既階梯！（好似係...）搵唔搵到我？
又唔小心見到有士兵步操！！！其實當其時我係乜都睇唔到架！只係舉高隻手影左幾張相就算hahaha 冇計啦～鬼叫我生得矮咩...
古羅馬廣場－佢係古羅馬時代既城市中心，好多重要古蹟都係度架！
其實凱旋門並唔係巴黎先有，好多地方都有架
望住依ｄ頹垣敗瓦，好難想像當時既羅馬帝國係風光成點？
羅馬競技場－又稱鬥獸場，大家都知，係用黎比人同野獸打交既地方，依度曾經奪去70萬人既性命......
其實本來都想入去睇下架，不過條隊真係太長，咁就算啦...我掉左銀仔架嘛！我會返黎架嘛！下次先啦～
其實羅馬既建築都好值得睇既，不過感覺就真係好旅遊既城市囉...可能我依d天生鄉下妹都係唔太鐘意d人多既地方，同埋太商業化既城市，所以感覺都麻麻地～不過有機會我都會再黎既！
沒有留言:
張貼留言