離開伯恩後，就黎到一直都期待既茵特拉根（Interlaken）！先到hostel check in！
哈哈，個盆栽好得意～點解係用鞋？？？
今次間房有個露台仔，又唔錯喎～擺低行李就出去行下～
問左hostel既職員，附近有咩睇，佢就介紹我地去行下湖邊，一於聽佢話，行左一陣，嘩！有冇咁靚呀？？？
第二日訓醒就向少女峰出發！
上少女峰係有份幾段鐵路上去的
第一站係Grindelwald！
小插曲：起初我地以為我地張火車證係可以去到某個地方，冇諗過要上少女峰（知道上少女峰要加錢），點知有火車職員查飛既時候，話我地張飛唔得，要我地補錢，我問點解？咁我地可以去到邊？佢又聽唔明英文！！！淨係不停叫我地補錢！！激死我！！！比佢趕左落車之後再去問返站職員，佢就話我地係要另外買飛，記唔記得係琉森既時候，hostel比左優惠我地？？就係上少女峰既coupon！即時拎出黎，真係有折喎！就係咁就突然決定上山去～
有冇見到張單張係寫韓文？因為個優惠只係比韓國人，所以佢地都以為我地係韓國人＝＝”是但啦！攪掂晒就出發！
係火車望出去既景都真係好靚！ｄ瀑布係黎自山頂既雪，溶左之後而成～
媽～好靚呀！我究竟係咪係地球？？？？？
火車內都係綠色同木既顏色，好大自然！
上到越黎越高就越黎越凍喇！開始又見到雪！
又係時候轉車喇！
大家都係度等轉車，外國人都會飲杯咖啡，我地就周圍行下影下相～港女黎架嘛～
車長都走黎同我地影相！哈哈！
火車開出之後，望返轉頭，好似玩具，haha
wow~ 全車就係得我地２個！係歐洲坐私家火車既機會真係唔係人人有！
去到某個位，又可以落下車，睇下風景，影下相～
大地在我腳下！
剪影的你輪廓太好看～
小插曲：司機先生同我地既一段小對話
他：香港係點架？
我：香港係好忙既地方囉～個個都行得好快，好趕時間咁囉
他：行得好快？咁點同人打招呼呀？
我：打招呼？唔會架～我地唔同陌生人打招呼
他：咁你話香港人好忙，咁咪個個都要食藥囉？
我：食藥？點解要食藥呀？食咩藥？
他：忙得滯要食既藥
我：你意思係太忙，以致情緒病，所以要食藥？
他：類似啦！瑞士人唔可以太忙架！太忙既話腦筋會運作唔到，就要食藥，所以我地唔忙得架！
我：嘩！我都想我唔忙得呀！
會唔會太靚呀？
我地都係係依點咋！
又上返我地架私家火車～再上！
今次仲被邀請入駕駛倉添呀！
係駕駛倉坐火車都真係第一次！
好快就上到頂喇！依個係全歐洲最高既火車站，所以又叫TOP OF EUROPE！
做乜要揸住張飛影相呢？
因為佢地以為我地係韓國人，所以我地每人得到免費辛辣杯麵一個，大滿足！（真係不得不佩服韓國人！）食飽飽就行下佢個冰皇宮！
好大個水晶球！
成日都會有雲飄過～就會有一陣子乜都睇唔到～都幾得意～hahahah
就好似咁～
d雲飄過之後又清晰返～
！！！！佢原來冰封左係依度！！！！
依個景真係冇得頂
巧遇香港女孩！係他鄉遇到同聲同氣既人感覺總係特別親切！
又係時候回程嚕～
有條滑雪道係度比人滑雪滑返落去架！！！
我地就梗係坐火車啦！
終於去返ｄ冇雪既地方！
中途有站，又落車行下～發覺佢地真係好多三角朱古力，成個架都係＝＝”
又係食！！！
好得意既貓～你就好啦～住係依度！
好靚既西斜，落返黎之後，又係city行下，買埋野食就返去嚕～
嘩！好大碌！依個係佢地既傳統樂器，但都幾唔好聽＝＝”
任你試食既芝士，為食既我當然試左！媽～～～好騷呀！！！！！！點解好似每次試食都唔慌好野咁＝＝”
返到hostel，同埋加拿大roommate一齊開餐！食飽就開始執行李，訓醒又走嚕～
第二日又落雪！！！！！
再見喇瑞士！！！我一定會再返黎架！！！
沒有留言:
張貼留言