芬蘭(4)：聖誕老人村，雪鹿拉車

玩左4日3夜，又睇到咁靚既極光，心滿意足地向下一個目標出發－Rovaniemi！

坐左幾個鐘巴士，到既時候已經天黑，依間係全球最北既麥當勞，好啦～係咁咦影張相啦！不過其實我地係冇食到，最後係食左隔離既burger，返去訓一覺聽日就去探聖誕老人！

又一個落雪天，白茫茫既聖誕老人村好有feel～

聖誕老人既屋企呀！

排左勁耐隊，終於可以一睹聖誕老人真面目！！！

入到去就同佢傾計

　　　我：聖誕老人請問你依家幾多歲呀？

聖誕老人：三百幾左右啦～我已經老到唔記得自己幾多歲喇！

　　　我：哦～咁唔緊要啦！你記得送聖誕禮物比我就得架喇！

聖誕老人：我淨係送比乖女孩架咋

　　　我：咁就岩喇，我係乖女孩黎架！

聖誕老人：乖女孩就麻煩你由出口處離開

＝___________________＝”

有眼無珠既雪人 lol

芬蘭既民族服丫！好靚！

上次玩完雪橇拉車，今次就玩埋雪鹿拉車！好可愛丫佢（心心眼）

佢好大隻丫，攪到我都有少少驚haha

聖誕老人村正正位於北極線上，就係依條喇！

聖誕老人村既郵局入口

黎自世界各地，寄比聖誕老人既信就係晒依度喇！

有香港架！！！

有張好靚既枱比大家係度慢慢寫postcard

之後再係度寄埋，依度分2個郵筒，左邊果個係即日寄出既，而右邊果個呢就係等到聖誕節先一次過寄出！

周圍d裝飾都好靚，好似童話世界咁

行完晒就走嚕～等巴士係時候發現原來依d一舊舊三角形係用黎比人等巴士果陣擋風架！好窩心既設計！