德國第一站係柏林！不過如果由哥本哈根過去，我地係需要係漢堡轉車！
咁漢堡車站呢～都唔細架啵！好辛苦地終於搵到我地去邊個月台，係個月台度等車啦～又周圍睇下野咁～隔左一陣，有個德國女仔走黎
佢：你地係咪去柏林丫？
我：係丫～你都係丫？（當時心諗跟住你實冇死！）
佢：我唔係呀～不過佢岩岩開咪宣佈左去柏林果架車轉左去ｘｘ月台呀！
我：下？真係架？點解我聽唔到既？
佢：佢都冇用英文講～
我：...............（即刻衝過去！！！）
好彩最後都安全到達hostel，依間野都真係要介紹一下，真係平靚正！成間古堡既外形已經好吸引！！
入到去有日清杯麵賣喎！
好闊落既大堂！職員介紹下，依間野仲要有桑拿同泳池！！！
洗手間都好乾淨，仲有洗頭水同梘液（我住果d多數都冇）
房都好舒服～
佢個後花園仲有個大人國！！！
有工作室！
有大隻雞
有真既兔仔～好可愛丫～
不過唯一唔好處係唔係市中心，要再搭車，不過我地有火車證，任搭架嘛～冇所謂啦！
但係呢！原來柏林圍牆就係我地對面馬路！！！當然即刻過去睇啦！
依家既柏林圍牆已經成為左畫廊，有好多唔同意思既畫係度，好多都好靚架！
入到間紀念品店，發現佢地會賣柏林圍牆既碎石，都唔平架，大粒少少都要５歐，即係大概５０蚊港幣，話時話，都唔知你係咪真既，就算係真，又係咪真係有人會買呢？？？
其實條路都幾長，好似行極都行唔完咁...
跨越柏林圍牆！
行完柏林圍牆就出市中心行下喇～
本來仲打算跟住班人聽下導遊講野，都唔係講英文既＝＝”
好得意既紅綠燈呀！原來係以前東德既專有紅綠燈，東西德統一後，曾經話過要拆，但當時太多人反對而得以保留
巧打耳呀～
市中心原來仲有另一部分既柏林圍牆，但已經淨返好少部分，不過依度就會有比較多既介紹
得果幾舊，個人認為今朝見到果個好睇好多～
之後就去到布蘭登堡門（Brandenburger Tor）
其實本來我地都唔知係乜黎，不過見到好多人係度影相，就問，係咪景點黎架？咁影囉～其實我地只係去猶太人屠殺博物館既時候途徑，估唔到佢咁把炮～
係咪好熟口面？瞬間看地球成日都出現架啦！
係附近就會行到去猶太人屠殺博物館
2711座紀念碑，亦稱為歐洲被害猶太人紀念碑（Denkmal für die ermordeten Juden Europas）
睇完有d沉重....
去食晚飯途中，見到有架咁既車，佢係靠大家不停地踩下踩下先會郁，佢地有係度打拍子架！係馬路見到架咁既野都幾攪笑！哈哈！
雖然我地多數自己煮野食，但黎到德國緊係要食下地道既豬手！！！依個餐連2杯酒都只係１１歐！大概１１０港幣，但我地２個女仔都食唔晒一個餐.....飽到喊！
食飽飽就返去休息嚕～聽日去集中營
沒有留言:
張貼留言